
大宝伏藏TD2960བསེ་རག་བཀར་ཐབས་མདོར་བསྡུས། རྒྱས་པའི་ལས་ཚོགས། བསེ་རག་བཀར་ཡས།
74-158-1a
༄༅། །བསེ་རག་བཀར་ཐབས་མདོར་བསྡུས། རྒྱས་པའི་ལས་ཚོགས། བསེ་རག་བཀར་ཡས།
༄༅། །ན་མོ་ཨཱཪྻ་ཛཾ་བྷ་ལཱ་ཡ། བསེ་རག་བཀར་ཐབས་མདོར་བསྡུས་འདོད་ན། ཁ་འགོང་ཆེ་ན་ཆངས་བུ་ཏིང་ལོ་དང་ཁ་ལྷག་བོ་གཏོར་ཤོར་བ་བསྡུས་ལ་བླུགས། ཨ་ཀཱ་རོས་བྱིན་རླབས་བྱས་ནས། བསེ་རག་ཁ་འགོང་མདུན་དུ་འགུག་གཞུག་བྱས་ནས། ཡི་དམ་སྔགས་ཤམ་ལ་འདི་བཏགས་ཐུན་གྱིས་བྲབ། ན་མོ་ཁ་ལ་དུན་ཙེ་རྦད། ནག་མོ་ཟ་འདྲེ་མི་ལ་ཁ་ཆིང་། འགྲིག་ཤོང་ཐུན་ཧབ་དུལ་དུལ་ནན་རྦད་མྱག་མྱག་བསེ་རག་ཁ་ཆིང་། མི་ལ་ཁ་ཆིང་། ཆུང་སྲིའི་ཁ་ཆིང་། ནད་འདྲེའི་ཁ་ཆིང་། རབས་ཆད་ཀྱི་ཁ་ཆིང་། ཅི་མང་བཟླའོ། ཀྱཻ། བསེ་རག་མི་ལ་གཞོན་ནུ་དཔལ། །བུ་ཆུང་ལུས་ལ་གཡུ་རྣ་ཅན། །སྟག་རལ་གཟིག་ཤུབས་གྲི་ཆུང་རྐེད། །དར་ཟབ་པད་རིས་ཆག་ལྷྭམ་ཅན། །འཕྲུ་བཙུགས་ལག་ན་སྡུད་མོ་གཟུང་། །སྲེག་པ་བདུན་ནི་ཀླད་ན་ལྡིང་། །རི་བོང་འཆིབས་ཤིང་དུང་སོ་ཅན། །མིག་རྣོ་སྐྲ་ནི་ཁམ་པ་སྟེ། །བསེ་རག་ལྟོག་འགོང་མང་པོས་བསྐོར། །ཆངས་བུ་ཏིང་ལོ་ཁ་ལྷག་འདིས། ཁྱེད་ཅག་འཁོར་བཅས་ཚིམས་གྱུར་ཅིག །གནས་འདིར་མ་འདུག་གཞན་དུ་དེངས། །ཕྱིན་ཆད་འཁོར་འདིར་མ་གནོད་ཅིག །ཟ་ཁ་འཐུང་ཁ་དགྲ་ལ་སྤོས། །ཟ་མེད་ཟ་རྒྱུ་དེ་ན་ཡོད། །སློབ་དཔོན་པདྨ་འབྱུང་གནས་ཀྱི། །དམ་ལ་མ་འདའ་ད་སོང་ཞིག །ཨོཾ་སུམྦྷ་ནི་སུམྦྷ་ཧཱུྃ་སོགས་བརྗོདཅིང་ཕྱིར་དོར། འདི་བྱས་པས་ཆང་ལད་འོ་མར་
74-158-1b
མར་མི་ཐོན་པ་དང་། ཚོང་ཉེས་བོར་སྟོར་ཤོར་དང་ཆག །གྲུམ་སོགས་སྐམ་འགོང་བསེ་རག་གནོད་པ་ལ་ཕན་ཕྱིར་རཱ་ག་ཨ་སྱས་འཕྲལ་དུ་སྨྲས། །མངྒ་ལཾ།། །།


